कुरखेडा:
कुरखेडा शहरात दि. १४ एप्रिल रोजी दुपारी १२ वाजेच्या सुमारास एका मेडिकल चालकावर लोखंडी रॉडने जीवघेणा हल्ला झाल्याची धक्कादायक घटना घडली आहे. योगेश कवाडकर असे जखमी मेडिकल चालकाचे नाव आहे.घटनेचा तपशील:योगेश कवाडकर हे आपल्या मेडिकल दुकानात बसलेले असताना पाच जणांच्या टोळीने त्यांना बाहेर बोलावले आणि कोणत्याही कारणाशिवाय लोखंडी रॉडने मारहाण करण्यास सुरुवात केली. या हल्ल्यात योगेश कवाडकर गंभीर जखमी झाले असून, त्यांच्या मदतीला धावून आलेल्या त्यांच्या वडिलांनाही हल्लेखोरांनी मारहाण केली.वैद्यकीय स्थिती:रक्तबंबाळ अवस्थेत योगेश यांना तातडीने उपजिल्हा रुग्णालयात दाखल करण्यात आले. त्यांच्या डोक्याला गंभीर दुखापत झाली असून डॉक्टरांनी त्यांना ८ टाके घातले आहेत.वादाची पार्श्वभूमी:प्राथमिक तपासानुसार, हा हल्ला जुन्या कौटुंबिक आणि वैयक्तिक वादातून झाला असल्याचे समोर आले आहे. आश्चर्याची बाब म्हणजे, हल्ला करणाऱ्या पाचही जणांनी स्वतः पोलीस ठाण्यात जाऊन जखमी योगेश कवाडकर यांच्या विरोधातच तक्रार दाखल केली आहे.
